追随者的角落

小学时代, 某一个早上. 小弟正与一位书友在一个杂乱又吵闹既教室里吹水...
当大家谈到昨日打机, 为何杀唔死"忍者龟2"游戏里某个大佬既时候, 我呢位书友突然眉头一皱, 一面愁容既企佐起身...
呢个时候既我, 一面关心既对呢位书友讲佐句, " 算啦!! 无谓太过执着啦, 总会搞得掂个大佬既..."
谁知我呢位书友不领我情... 不出一声地继续企住...
接住他将他既手向后屁股伸佐入去, 抄佐一抄...
之后就对我讲佐句" 毙!! 赖屎!!"
哈哈... 呢个时候, 我实在爱莫能助... 条友竟然神早八早赖屎喔!! 真好野...

又系小学时代, 话说有一年既中秋, 小弟就参加佐" 灯笼制作比赛"...
开头时都无乜点, 但系越接近我就越有压力... 事关原来整灯笼系好难既...
所以就把心一横, 决定去巴刹买返着来改装... 哈哈... 我所谓既改装其实就系将买返来既灯笼拆佐D颜色纸, 换上别既颜色... 当时我买既系一只鱼型灯笼...
哈哈... 当时我读下午班既... 我入到班, 放低个书包, 正想将灯笼拿去礼堂之际, 坐我隔离过条粉肠, 竟然一眼就睇出我系买既... 于是就大笑佐出来... 他笑住话:" 你买灯笼来比赛啊?? 哈哈... 真系蠢啊你!! 好心你买都买D特别D咖啦!! 一睇就知你系巴刹买喀啦!! 哈哈!!"
结果呢一笑, 就吸引佐一个好黑人憎同埋好贱既粉肠过来... 他望住我系锦笑!! 之后一手抢佐我既灯笼, 跑佐出教室... 拿住我既鱼灯笼游校园...
最黑人憎既系, 他一路走, 一路大叫"喂!! 来睇啊!! 潘伟宏买鱼灯笼来参加比赛啊!! 哈哈哈!!"
结果被他锦样跑下跑下, 就惹来老师啦!! 结果老师也都知道佐我既鱼灯笼系买既... 就取消佐我既资格... 唉... 真系好肉酸啊...

时隔多年, 如今想起确实系好搞笑!! 哈哈哈!!